النهاردة يمر 12 يوم علي احتلال ميدان التحرير في اول يوم في رمضان
من اسبوعين كده كان الواحد عادي يفكر انه يروح ميدان التحرير
دلوقتي صعب اوي تفكر او تروح عادي زي الاول
معلش يعني هو الجيش قاعد في الميدان ليه
ايوة ليه؟
مش المجلس قوي و معاه تاييد الناس و واخد شرعيته من الاستفتاء
خايف ليه من شوية ناس قاعدين في الشارع
ناس معهاش حاجة غير افكارها احلامها و بس
ممكن يتقال انه مش عاوز الميدان يتقفل المرور فيه
ماشي معاكم حق
الي حصل في اول يوم رمضان كان ليه لزمة و لا لا
بصراحة ما كانش ليه لزمة خالص
من اسبوعين كده كان الواحد عادي يفكر انه يروح ميدان التحرير
دلوقتي صعب اوي تفكر او تروح عادي زي الاول
معلش يعني هو الجيش قاعد في الميدان ليه
ايوة ليه؟
مش المجلس قوي و معاه تاييد الناس و واخد شرعيته من الاستفتاء
خايف ليه من شوية ناس قاعدين في الشارع
ناس معهاش حاجة غير افكارها احلامها و بس
ممكن يتقال انه مش عاوز الميدان يتقفل المرور فيه
ماشي معاكم حق
طب ما تفتحوا المرور و سيبوا الناس قاعدة
اصل الناس دي قابضة و بتاخد فلوس
طب بالذمة كده دي اشكال ناس قابضة
و بعدين ايه الدليل
ايوة الدليل هو بتوع الحزب الوطني و الداخلية لما يتقال عليهم حرامية بيتسال ايه الدليل
اشمعني بقه لما تتهم ناس انهم قابضيين مش عاوز حد يسال ايه الدليل
ولا هو طق حنك و لك علي الفاضي
بصراحة ما كانش ليه لزمة خالص
يوميين و في الاخر الميدان حيتفتح للمرور بصراحة كان علي اخر اليوم حيتفح
طب فتحت الميدان
رغم الطريقة الي الميدان اتفتح بيها
اديك فتحته قاعد ليه بقه
خايف ليه الناس ترجع؟
ايه الي ممكن يحصل يخلي الناس ترجع ولا هو من باب الاحتياط واجب
النهاردة لما قريت خبر المشير يزور ميدان التحرير
لاول مرة حسيت بخوف
و افتكرت كلمة اتقالت ايام الثورة
الميدان موجود لو عاوزين ترجعوا ارجعوا في اي وقت هو حد حيمنعكم
و ادينا سبنا ميدان التحرير
و عمرنا ما حنرجع تاني
المكان الوحيد الي المظاهرات رجعاله هو سلم نقابة الصحفيين
مش عاوزة اكون متشائمة بس خلاص
المظاهرات في الميدان بقيت حلم
الميدان احتلته الشرطة العسكرية خلاص
و بكرة تجيب طوب و اسمنت و تبني نقطة شرطة في الجنينة الي في النص
